Një furgon mallrash është ndaluar nga Policia e Pogradecit. Ai po transportonte 27 refugjatë nga vendet e Lindjes se Mesme në drejtim të kryeqytetit.
Sipas burimeve, ky furgon ka udhëtuar nga Bilishti në drejtim të Pogradecit e më pas me destinacion kryeqytetin, nga i cili refugjatët zgjedhin të kalojnë në një nga vendet e Evropës.
Te njëjtat burime shtojnë se në prangat e policisë ka rënë drejtuesi i mjetit.
Pjesa më e madhe e shtetasve të kapur janë kurdë, algjerianë e marokenë dhe vetëm pak prej tyre sirianë.
Burimet thanë se kishte prej tyre që janë kapur shumë herë nga policia shqiptare dhe pasi janë rikthyer me shpresën për të kaluar në vendet e BE.
