Kapen me lëndë narkotike, 2 shqiptarë të arrestuar në Itali

Dy shqiptarë kanë rënë në prangat e policisë italiane, pasi janë kapur me drogë.

Sipas mediave italiane të ndaluarit janë rreth moshës, 33 dhe 22 vjeç, të cilëve  gjatë kontrollit të ushtruar në automjetin e tipit “Golf” u janë gjetur dhe sekuestruar në cilësinë e provës materiale armë dhe lëndë narkotike e llojit kokainë.

Ndërkohë mes armëve që zotëronin të ndaluarit, gjendej edhe një model gjysmë-automatik, që daton nga Lufta e Parë Botërore.

Dy shqiptarët janë dërguar në burgun e “Santo Spirito”-s, ndërkohë pritet që autoritetet të vendosin në lidhje me masën e sigurisë për ta.