Kapen 1.3 ton kokainë në Maqedoninë e Veriut/ Ngarkesa e fshehur në magazinën e frutave

Policia e Maqedonisë së Veriut ka zhvilluar një aksion të suksesshëm mbrëmjen e kësaj të mërkure. Mediat vendase raportojnë se gjatë një operacioni në fshatin Krusopek në Saraj u gjetën 1.3 ton kokainë.

Mësohet se lënda narkotike ishte fshehur në një magazinë frutash, por akoma nuk dihen detaje. Rruga e ngarkesës ishte nga SHBA në Bari të Italisë, më pas në Mal të Zi për t’u dërguar në fund në Bakër të Sllovenisë. Por rrugës gjërat kishin ndryshuar dhe për arsye të panjohura lënda narkotike përfundoi në Krusopek.