Ministri i Brendshëm Taulant Balla ka reaguar për tensionet dhe kaosin e krijuar ditën e sotme në Kuvend.
Në një postim në rrjetin social, Balla teksa citon nenet në Kodin Penal, thotë se shkatërrimi apo dëmtimi me dashje të pronës me zjarr dhe me mjete të tjera, dënohen deri në pesë vite burg.
Balla thotë se nëse materialet referohen në Prokurori, atëherë ligji duhet të zbatohet njësoj për të gjithë, teksa kërkon që deputetët të mos fshihen pas imunitetit.
“Kodi Penal përcakton qartësisht në nenet 151 dhe 154 veprat penale të shkatërrimit/dëmtimit me dashje të pronës me zjarr dhe me mjete të tjera, të cilat dënohen deri në pesë vite burg.
Ndërsa këto akte të rënda janë referuar në mënyrë të përsëritur në Prokurori, institucioni i akuzës duhet të garantojë se ligji zbatohet njëlloj për të gjithë dhe deputeti nuk mund t’i shmanget ligjit kurrësesi, duke përfitur apo duke u fshehur pas imunitetit!“, shkruan Balla./vizionplus.tv
