Kanye West bëri një postim në Instagram duke kërkuar falje për komentet e tij antisemitike ndaj hebrenjve.
Reperi, i cili do të publikojë albumin e tij ‘Vultures’ në janar 2024, ka kërkuar falje për fyerjet e tij raciste, të cilat kanë ndikuar që karriera e tij të ketë një rënie të madhe. Shumë kompani prestigjoze ndërprenë bashkëpunimin me të, krahas komenteve të shumta që ‘kryqëzuan’ këngëtarin.
Në shënimin, i cili ishte shkruar në hebraisht, West iu drejtua popullit hebre, duke shkruar: “Unë sinqerisht i kërkoj falje komunitetit hebre për çdo shpërthim të paqëllimshëm të shkaktuar nga fjalët ose veprimet e mia. Nuk ishte qëllimi im të lëndoja apo të tregoja mungesë respekti dhe më vjen shumë keq për çdo dhimbje që mund të kem shkaktuar. Unë jam i përkushtuar të filloj nga vetja dhe të mësoj nga kjo përvojë për të siguruar ndjeshmëri dhe mirëkuptim më të madh në të ardhmen. Falja juaj është e rëndësishme për mua dhe unë jam i përkushtuar të bëj ndryshime dhe të promovoj unitetin.”
View this post on Instagram
