Specialistët për parandalimin dhe Hetimin e Krimeve në Komisariatin e Policisë Shkodër kanë arrestuar në flagrancë një 29 vjeçar i cili po kanoste me armë zjarri bashkëshorten e tij.
29 vjeçari i arrestuar është me inicialet Z. Ç., banues në fshatin Rragam/Shkodër.
Ky shtetas sipas policisë, po kanoste me armë zjarri dhe po dhunonte fizikisht në banesën e tij në fshatin Rragam bashkëshorten e tij. Në momentin që efektivët janë njoftuar për ngjarjen dhe kanë shkuar në banesën e 29 vjeçarit ai ka lënë armën e zjarrit dhe është larguar në drejtim të pyllit, por është kapur pas disa orë ndjekjesh nga shërbimet e Policisë.
Në cilësinë e provës materiale u sekuestrua arma e zjarrit kallashnikov ndërsa 29 vjeçari akuzohet për veprat penale “Kanosje”, “Dhunë në familje” dhe “Mbajtja pa leje e armëve luftarake dhe e municionit”.
