Eksperti i IT, Gent Progni tha se kriptomonedhat kanë rreth 6 vite që përfliten në Shqipëri, teksa shton se në user të vegjël kanë edhe më shpejt.
Në studion e Quo Vadis në Vizion Plus, Progni renditi si më të përdorurat Ethereum dhe Solana.
Pjesë nga biseda:
Borakaj: Mungesë informacioni për kriptomonedhat apo mbyllje sysh?
Progni: Është edhe mungesa e informacionit. Sepse njerëzit që vendosin, nuk e kanë si informacion. Po të përmendësh kripto, kujtojnë vetëm lajmet që janë bërë më parë për prodhimin e kriptove. Janë regjistruar biznese, kanë bërë edhe energji të rinovueshme, kanë prodhuar kripto dhe prokurorët i kanë çuar për ndjekje penale, ndërkohë që nuk shkelte asnjë ligj. Është edhe mosdije, janë edhe lajmet negative.
Borakaj: Sa vite ka që flitet dhe përdoret kripto në Shqipëri?
Progni: Ka 6 vite që flitet shumë për të, por në user të vegjël ka edhe më parë. Ne e kemi nisur me vjedhje energjie për kripto, call center që vjedhin njerëz me kripto, bixhozi me kripto. Edhe babai im, kur dola për herë të parë të flas për kripton, më tha: “Kujdes se do të arrestojnë!”
Borakaj: Cila është më e përdorura?
Progni: Janë disa, Ethereum, Solana… Bitcoini ka famën më të madhe. Dhe këtë famë ia ka dhënë mosdija e atij që e ka shpikur.
/vizionplus.tv
