Pas ngjarjeve te fundit ne Nju Jork e Nju Xhersi, ku shpërtheu nje bombe artizanale dhe u zbuluan disa te tjera, çështja e sigurisë kombëtare ka shënuar nje tjeter përplasje mes kandidateve per president te SHBA. Republikani Donald Trump është shprehur kundër mjekimit dhe përfaqësimit ligjor të autorit të dyshuar të sulmit në Nju Jork, Ahmad Khan Rahami. Sipas tij, kjo është një situatë e trishtuar, që nxjerr në pah sigurinë e dobët kombëtare.
Donald Trump: Gjëja më e keqe është se ne po i ofrojmë atij kujdes të madh shëndetësor. Ai do të kurohet nga disa prej mjekëve më të mirë në botë. Do të qëndrojë në një dhomë moderne spitali dhe me shumë gjasa do të ketë edhe shërbim dhome. Çfarë situatë e trishtuar. Çdo ndëshkim do të ishte shumë i butë për Rahamin.
Por per rivalen demokrate Hillary Clintin, retorika e Trump vetëm i ndihmon grupet terroriste si ISIS te rekrutojnë luftëtare te rinj.
Hillary Clinton: Kjo lloj retorike dhe gjuhe që Trump po përdor ndihmon kundërshtarët tanë. Kjo eshte ajo që duan terroristët, ta kthejnë këtë në një luftë kundër Islamit dhe jo kunder xhihadistëve të dhunshëm. Ne do te ndjekim te keqinjte dhe do t’i kapim, por nuk do te ndjekim nje besim te tere dhe t’i japim ISIS ate qe deshiron.
Trump u kundërpërgjigj, duke deklaruar se presidenca e Clinton do të kontribuonte në shtimin e sulmeve dhe vrasjen e më shumë amerikanëve të pafajshëm. Ai përsëriti thirrjet per vetingun ekstrem te te ardhurve te rinj ne SHBA, qe duhen pare nese ndajnë vlerat amerikane. E ndërkaq, hetuesit amerikane po përpiqen te zbulojnë motivet e sulmit te afganit 28-vjeçar te arrestuar. Ai rezulton te kete kryer udhëtime ne Afganistan dhe Pakistan, por ende nuk janë zbuluar lidhje me terrorizmin ndërkombëtar.
