Kandiç kundër Serbisë: Po përdor strategji perverse ndaj Kosovës

Themeluesja e Fondit për të Drejtën Humanitare në Serbi, Natasha Kandiç ka dal kundër metodave që Serbia po përdor ndaj Kosovës.

Në një intervistë të dhënë për gazetën serbe “Danas”, Kandiç e cilësoi si të turpshme strategjinë e Serbisë për të penguar anëtarësimin e Kosovës në organizatat ndërkombëtare.

Kandiç tha gjithashtu se ndihej e turpëruar që Serbia vijon të jetë e fiksuar për të mos lejuar anëtarësimin e Koosvës.

“Nuk dua të spekuloj nëse vendimin për mos anëtarësimin e Kosovës në INTERPOL është rezultat “i lobimit të suksesshëm serb”. Por më vjen turp sesa e fiksuar është Serbia pas asaj strategjisë perverse që të përdorë të gjitha mjetet, edhe ato të ndyrat, në mënyrë që të pengojë anëtarësimin e Kosovës në organizatat ndërkombëtare”