Silvana Çeliku, Onkogjinekologe Shefe e Shërbimit Onkologjik pranë QSU “Nënë Tereza “ në Tiranë, ka folur sot në studion e 7pa 5 për muajin rozë, tetorin.

Ajo u shpreh se muaji tetor është një muaj shumë I rëndësishëm për të sensibilizuar të gjitha femrat që të kujdesen për shëndetin e tyre.

“Çdo sëmundje e kapur herët ka privilegjin të trajtohet dhe të kalohet. Të trajtosh një grua me kancer ka një kosto të madhe. 365 ditë duhet të kuptojnë që jeta e tyre është shumë e rëndësishme. Jemi një seks i brishtë, por jo i dobët, duhet patjetër të luftojmë”, u shpreh Çeliku.

Përsa i përket periudhës së pandemisë, ajo theksoi se shërbimi onkologjik nuk e ka ndërprerë asnjë ditë punën.
Ajo u shpreh se gjatë pandemisë, një pjesë e pacientëve patën një ngurim për të ardhur që kur i filluan shenjat e para.

“Ne si shërbim nuk e kemi ndërprerë asnjë ditë punën qoftë edhe një ditët ku filloi pandemia. Viti 2020 në qendrën spitalore “Nënë Tereza janë bërë mbi 15 mijë kimioterapi. Kimioterapia dhe radioterapia nuk ka nërprerë asnjë ditë punën e tyre. Një pjesë e pacientëve patën një ngurim për të ardhur që kur i filluan shenjat. Kjo ka ndikuar te gratë duke ardhur kur sëmundja kishte avancuar dhe ka një kosto trajtimi nga të gjitha krahët”, u shpreh Çeliku.

Më tej ajo u bëri thirrje të gjitha grave të bëjnë vizita edh ekur nuk kanë asnjë shenjë, në mënyrë që sëmundja të kaoet në faza të hershme dhe të parandalohet në kohë.

“Gratë të bëjnë vizita pa pasur asnjë shenjë, kjo do ishte idealja, parandalimi është gjeja më e mirë.
Një ekografi e thjeshtë bën të mundur të kapësh sëmundjen në faza fare te hershme, ta parandalosh atë. I bëj thirrje femrave mbi 20 vjeç që të bëjnë një eko të gjirit njëherë në vit. Do i mbronte jetën e tyre. Një ekzaminim përmes gishtave para pasyqyrës duhet bërë. Një rrjedhje e vogël apo një skuqje një shenjë që s’ e keni pasur më herët mund të fshehin mbrapa një patologji që mund të kenë më vonë pasoja shumë të rënda”, u shprm mes të tjerash mjekja.

Leave a Reply

Your email address will not be published. Required fields are marked *