Edhe pse kampion jave me përpara, Benfika evitoi nje humbje te turpshme vetëm ne minutën e 90, ne javën e fundit te kampionatit portugez te futbollit. Emocione dhe spektakël ne stadiumin Do Besa ne sfidën e transmetuar ne platformën Tring mes Boavistes dhe Benfikes, nje ndeshje qe u mbyll ne barazim 2-2 por me pak vëmendje, te zotet e shtëpisë mund ta kishin mbyllur me fitore. Me mjaft presion dhe shume agresiv duke mbrojtur çdo cep te fushës, te ashtuquajturat panterat e mbyllen pjesën e pare ne avantazh fale golit te Renato Santos ne minutën e 16. Kampionet duket se u kthyen ne pjesën e dyte, por ne momentin e tyre me te mire u goditen përsëri, kur pas nje topi te humbur nga Rafa Silva, aksioni u konkretizua me gol me shembri ne minutën e 52. Gjithsesi shqiponjat qe rrezikonin te pësonin humbjen e trete te sezonit, arritën te organizoheshin dhe te kërkonin te hapësira ne prapavijën kundërshtare. Dhe ne minutën e 71 golashënuesi me i mire i kësaj skuadrës, greku Mitroglu ngushtoi diferencën. Pas sulmeve dhe kundërsulmeve atëherë kur mendohej se vendasit ne nje ndeshje krenari do ti merrnin tre pike kampioneve, miqtë fale eksperiencës se madhe ne ndeshje te tilla gjeten golin e barazimit. Zhivkovic ne nje goditje nga këndi dhuroi nje top ne zone, qendërmbrojtësi kroat Kalaica tentoi me koke drejt portës. Topi u përplas ne traverse, u fut disa cm brenda portës dhe u largua me pas nga portieri Vagner. Por per gjyqtarin kryesor nje gol i rregullt qe shpëtoi nga disfata shqiponjat te kurorëzuar me titullin kampion per te katërtin vit radhazi.

 

Leave a Reply

Your email address will not be published. Required fields are marked *