Ky është momenti kur presidenti i ekipit te Paokut te Selanikut u fut në fushën e lojës në minutën e 84 të ndeshjes ndaj Aek.
Kjo pistolete në brezin e Ivan Davidhis që shërbeu si një forme kërcënimi ndaj gjyqtareve të ndeshjes, mund të fusë në një spirale të vërtete kaosi futbollin e vendit fqinj.
Tërbimi i bosit të klubit nga Selaniku për një gol të anuluar ndaj ekipit të Paokut në minutat e fundit të ndeshjes nga gjyqtari, shkaktoi trazira në stadium që detyruan bluzat e zeza të ndërpresin ndeshjen, ndërsa klubi kryeqytetas i Aekut u largua pas më shumë se 60 minutash ngujim në dhomat e zhveshjes.
Ministria greke e sportit po e merr seriozisht në konsideratë opsionin për ta pezulluar kampionatin të paktën për dy javë në mënyre që t’i lihet kohe organeve përkatëse që të hetojnë si duhet ngjarjen e rëndë në stadiumin e Selanikut.
Ndërkohe autoritetet greke nxorren urdhër arrest për bosin e Paokut, Ivan Davidhis si dhe 4 persona të tjerë të cilët zbriten nga tribuna për të kërcënuar gjyqtarët e ndeshjes. Presidenti i klubit nga Selaniku nuk është gjetur ne banesën e tij pas një kontrolli nga policia. Ai akuzohet për kërcënim të zyrtarëve të futbollit si dhe për faktin që nuk ka deklaruar pistoletën para se të futej në stadium. Ndeshja Paok-Aek ishte shumë e rëndësishme për titullin pasi selanikasit ishin 5 pikë larg Aekut të vendit të parë.
Me 25 shkurt tifozët e Paok u bënë protagonist edhe ne sfidën kundër Olimpiakos kur goditen trajnerin kundërshtar..
