Gjashtë persona u vranë në orët e hershme të mëngjesit, duke përfshirë dy milicë spanjollë, pranë Seviljes kur një kamion u përplas në një postblloqe policie, tha qeveria Andaluziane. Tre milicë të tjerë u plagosën dhe po trajtohen.

Sipas mediave spanjolle, milicët po kryenin kontrolle rutinë rrugore, në kuadër të fushatës për të luftuar trafikun e drogës, në anë të autostradës kur një kamion u përplas me ta.

Nga kontrollet rezultoi se drejtuesi i mjetit, i cili u arrestua, nuk drejtonte mjetin nën ndikimin e alkoolit apo drogës.

Incidenti vjen një muaj pasi dy milicë spanjollë vdiqën në det në rajonin Cádiz kur trafikantët e drogës përplasën varkën e tyre me një makinë patrullimi të milicisë gjatë një ndjekjeje.

Spanja është një pikë kyçe hyrëse për drogën në Evropë dhe Andaluzia, për shkak të afërsisë me Marokun, një qendër për prodhimin e rrëshirës së kanabisit, është një nga pikat kryesore të hyrjes së drogës në territorin spanjoll. /vizionplus.tv

Leave a Reply

Your email address will not be published. Required fields are marked *