Deputeti shqiptar në Parlamentin e Serbisë, Shaip Kamberi paralajmëroi padi në Gjykatën e Strasburgut për ministrin e Brendshëm serb, Aleksandër Vulin. Gjatë një interviste për “Quo Vadis”, Kamberi tha do t’i drejtohet gjykatës sepse Vulin tregohet racist ndaj shqiptarëve.
“Një gjuhë dhe një fjalor racist dhe me urrejtje ndaj shqiptarëve. Ne na mbetet që drejtësinë ta kërkojmë në nivel më të lartë, në Gjykatën e Strasburgut.”
Shaip Kamberi shtoi se pret një reagim edhe nga ndërkombëtarët për gjuhën e urrejtjes që përdoret ndaj shqiptarëve.
