Qeveria e Kosovës, ka miratuar ndryshimin dhe plotësimin e Projektligjit për ratifikimin e marrëveshjes së Demarkacionit mes Kosovës dhe Malit të Zi.
Kryeministri Ramush Haradinaj ka bërë të ditur se pas konsultave të shumta, është marrë vendimi që seanca e jashtëzakonshme për demarkacionin të mbahet të enjten në orën 10:00.
“Shtetit i duhet të ndërmarrë një vendim të rëndësishëm, e për këtë duhet që të enjten të mbahet një seancë e jashtëzakonshme. ka pasur konsensus dhe shpresoj se do të jenë unik për “këtë vendim të rëndësishëm për qytetarët. Raporti i Komisionit shtetëror dhe marrëveshja e dy presidentëve ka krijuar terrenin për të ecur përpara”.
Në një konferencë për shtyp pas mbledhjes së qeverisë, Haradinaj i pyetur nga gazetarët nëse kjo marrëveshje është detyruese për Malin e Zi, ka sqaruar se për Kosovën mjafton fakti që presidenti Vujanoviç e ka nënshkruar.
Në lidhje me këtë vendim ka reaguar edhe ambasadori amerikan në Kosovë, Greg Delaëie, i cili përmes një postimi në Twitter e cilëson kalimin e marrëveshjes për demarkacionin si tejet thelbësor për të siguruar mundësinë e qytetarëve të Kosovës që të udhëtojnë lirshëm në Evropë.
Shpresoj se deputetët nga çdo parti do të votojnë PO”-shkruan Delawie.
Reagime ka pasur edhe nga Mali i Zi. Ministri i jashtëm malazez, Srxhan Darmanoviq, ka thënë se marrëveshja për kufirin midis Malit të Zi dhe Kosovës, është e mundur të përcaktojë disa korrigjime teknike të vijës kufitare, por nuk ka ndryshime të veçanta.