Kalimi i emigrantëve në Maqedoni

Ndërsa gjendja per mijëra emigrante te bllokuar ne kufirin mes Greqisë dhe Maqedonisë sa vjen e rendohet, këto dy shtete janë përfshire ne akuza per eksodin e qindra refugjateve qe kaluan dy dite me pare ilegalisht kufirin ne token maqedonase. Shkupi zyrtar ka bere përgjegjëse Athinën per organizimin e emigranteve, akuza qe janë mohuar nga autoritetet greke. Kritikat u përforcuan nga presidenti maqedonas Geroge Ivanov gjate mbledhjes se Këshillit te Sigurisë. Kreu i shtetit deklaroi se Greqia nuk po bashkëpunon per përballimin e krizës se emigranteve. Ai ngriti shqetësimin per rrezikun e sigurisë rajonale, nëse nuk ka nje politike te përbashkët nga vendet e Unionit. Ndërkohe, autoritetet greke kane nisur hetimet për te zbuluar se cilët persona nxiten largimin e emigranteve përmes nje lumi. 14 mije njerëz po qëndrojnë ne çadrat ne Idomeni me shpresën se kufijtë do te hapen dhe kane refuzuar ftesën e kryeministrit Cipras per t’u strehuar ne qendrat e pritjes te ngritura per ta. Ndërkohe kancelaria gjermane Angela Merkel ka thëne se shtetet europiane nuk duhet t’i gëzohen faktit ndalimin e fluksit te refugjateve,  ndërkohe qe Greqia po përballon e vetme këtë situate. Merkel tha se nevojitet një zgjidhje e përbashkët. Ne nje nga kampet ne Pire kete te mërkure gjendej ambasadorja e UNHCR, aktorja Angelina Jolie. Pas vizitës ne Liban ajo qëndroi ne Greqi per te pare nga afër gjendjen e emigranteve dhe per te sensibilizuar opinionin për këtë krize. Megjithatë nje udhëtim i parashikuar per ne ishullin Lesbos u anulua.