Mijëra zjarrfikës janë duke luftuar me 18 vatra aktive zjarri në të gjithë Kaliforninë.
Flaket vijojnë te përhapen me shpejtësi, ndërsa autoritetet paralajmërojnë se zjarret apokaliptike mund të zgjasin përgjatë gjithë muajit gusht.
Ndërkohë 6 persona kanë humbur jetën deri më tani në Kaliforninë Veriore, ndërsa 7 të tjerë janë shpallur në kërkim.
Zjarret kanë përfshirë një hapësirë prej 117 mijë e 639 hektarësh sipërfaqe toke, gati sa Los Angeles.
Departamenti për Mbrojtjen e Pyjeve bën me dije se po ndërhyhet ne një te treten e hapësirës se prekur nga flaket, ndërsa një nga vatrat aktive konsiderohet si më e madhja që ka përfshirë Kaliforninë në histori.
