Kalendari artistik i Teatrit të Operas dhe Baletit është gati. Më shumë se 170 artistë do të rrugëtojnë këtë verë thuajse përgjatë gjithë vijës bregdetare. E ky udhëtim artistik nis të premten me ansamblin që do të jetë trupa më e gjallë e eventeve.
Ngjarja më e rëndësishme që planifikon trupa e ansamblit është “Konaku i të marrëve”, që do të jehojë në kalanë e Gjirokastrës me të mirat e folklorit.
Këtë verë nuk do të mungojnë në sheshet e Jugut edhe koncertet si Opera Jeans që u prezantuan më së pari në sheshin “Skënderbej” në Tiranë e që e afrojnë më shumë publikun me muzikën operistike moderne.
