Tre doganierë në Kakavijë dhe një qytetar 42 vjeçar nga Shkoza e Tiranës, janë arrestuar nga policia e Gjirokastrës këtë të enjte, pasi lejuan kalimin të 1.3 ton mallrave ushqimore kontrabandë të sjella nga Greqia, kundrejt ryshfetit me 200 euro. Të arrestuar janë Ilirian Ymeraj, Islam Thana dhe Eneida Çuçi. Ata akuzohen se kanë shpërdoruar detyrën, pasi kanë qenë në shërbim në pikën doganore të Kakavijës, pasi kanë lejuar kalimin e makinës me ngarkesën ushqimore. Sipas policisë doganieri Ilirian Ymeraj, ka qenë në turn në momentin kur makina fiat me sasinë e mallrave do kalonte në pikën doganore, dhe ka marrë 200 euro nga Edison Qose, duke shmangur kështu pagesën e detyrimeve doganore. Ndërkohë drejtuesi i automjetit, 42 vjeçari nga Shkoza u arrestua në aksin Kakavijë-Tepelenë.
