Një sulm kamikaz ka tronditur Kabulin këtë të martë. Të paktën 40 persona kanë mbetur të vdekur si pasojë e një sulmi me bombë në një sallë dasmash ku po përkujtohej ditëlindja e profetit Muhammed.
Autoritetet besojnë se numri i viktimave mund te rritet, pasi nder dhjetëra te plagosurit, 40 janë në gjendje të rëndë.
Në momentin e shpërthimit në sallë ishin të pranishëm figura të larta fetare të Afganistanit si dhe qindra besimtarë e studiues.
Policia po heton për zbardhjen e plotë të ngjarjes. Ende asnjë grup nuk e ka marrë përgjegjësinë e sulmit vdekjeprurës në Kabul, por dyshohet se pas masakrës qëndrojnë ekstremistet e ISIS.
