Kreu i Partisë Demokratike, Lulzim Basha ka reaguar pas skandalit të publikimit të pagave të qytetarëve.
Lideri demokrat shkruan se ky skandal, së bashku me atë të patronazhistëve, konfirmojnë dhe njëherë masakrën zgjedhore.
Për Bashën, ai që e mbron publikimin e këtyre të dhënave duhet të mbajë përgjegjësi.
“E vërteta vonon, por nuk harron! Skandali i pagave dhe skandali i patronazhistëve nuk janë gjë tjetër veçse konfirmimi i masakrës zgjedhore, konfirmimi i raportit të OSBE/ODIHR, konfirmimi se ndryshimi u pengua dhunshëm nga partia-shtet. Frymëzuesi dhe mbrojtësi i nxjerrjes në pazar të të dhënave personale të qytetarëve shqiptarë duhet të mbajë përgjegjësi dhe drejtësia duhet t’i shkojë deri në fund këtij skandali të paprecedentë që ka tronditur themelet e shtetit”, shkruan Basha.
