Granit Xhaka, do t’i mungojë për 2 javë Sunderlandit. Ylli dhe kapiteni i ekipit, pësoi një dëmtim në kyç, lajmi është konfirmuar nga vetë trajneri Regis Le Bris.
Mesfushori me origjinë shqiptare, iu nënshtrua ekzaminimeve fillestare dhe do t’i nënshtrohet vlerësimeve të mëtejshme pas periudhës së rikuperimit.
Lojtari mungoi në humbjen 3-1 ndaj Uest Hem, ku situata u pasua edhe nga një incident me tifozët gjatë qëndrimit në stol. Trajneri francez sqaroi:
“Ai ka një lëndim në kyçin e këmbës, i duhen të paktën dy javë për t’u rikuperuar dhe më pas do të bëjmë një vlerësim tjetër”.
Xhaka ka qenë një nga lojtarët më të rëndësishëm të Sanderlandit këtë sezon, duke u paraqitur në të gjitha 23 ndeshjet në të gjithë kompeticionet, ku ka shënuar një gol dhe ka dhënë 5 asiste.
