Juventus dhe Real Madrid kanë sonte testet e tyre me serioze në prag të finales se madhe te Uefa Champions League. Italianet do të luajnë ne finale e kupës së Italisë kundër Lazios me shpresën për të mbajtur gjallë ëndrrën e tripletes në këtë edicion, pra kampionat, kupë dhe champions.
Skuadtra e Alegrit është në pozita shumë komode në kampionat ku pret te fitoje titullin 6 here radhazi që në fundjave ndaj Krotones në shtëpi por përpara se të shkojë atje, Juventus duhet te kalojë sonte Lacion në Olimpico. Torinezet duan ta fitojnë Kupën e Italisë për herë të trete radhazi si askush më parë në histori. Kjo është një finale që rikthen në vëmendje atë të 2015 ku pas 90 minutave 1 me 1, në shtesë ishte Matri që i jepte trofeun bardhezinjve.
“Zonja e vjeter” barazoi rekordin e Romës si 17 herë finalist e kupës së Italisë, nga të cilët deri tani e ka fituar trofeun 11 herë. Alegri nuk është se ka ne dispozicion skuadrën më të mirë pasi Pjanic është i skualifikuar dhe Kedira i dëmtuar, shto këtu edhe mungesat e Pjaces dhe Ruganit. Madzukic dhe Dibala gjithashtu nuk janë në 100%, ndërsa në porte Neto si gjithnjë në kupë është titullar.
Prove gjenerale edhe për Realin përpara finales së Uefa Champions League. ‘Los Blankos’ janë në garë për të fituar kampionatin dhe trofeun me te rëndësishëm në Europe. Si fillim, vëmendja është e përqendruar e gjitha në kampionat, një kompeticion, të cilin Reali nuk e fiton që nga 2012. Barcelona dhe Reali janë më pikë të barabarta, por skuadra e Zidan ka një ndeshje të prapambetur me Celta Vigon sonte në mbrëmje. Një fitore në Vigo, do t’ia hapte rrugën drejt titullit pasi skuadra mund të kënaqej ndaj Malages në transferte në fundjave edhe me një barazim. Triumfi në La Liga do të dërgonte me entuziazëm të plotë skuadrën e Merenges për në finale e madhe te Kardifit, ku duan të fitojnë trofeun e 12 kontinental në histori.
