Juventus është finalisti i pare i Uefa Champions League ne 3 qershor ne Cardif, aty ku do te luftoje per trofeun e turneut prestigjioz te europes per here te 9 ne histori. Ne Juventus Stadium zonja e vjetër arriti nje tjetër fitore ketë here 2-1 ndaj Monakos ne takimin e kthimit te vlefshme per gjysmëfinalet. Edhe ne ketë ndeshje edhe pse përballe nje kundërshtari me nje sulm mjaft te mire, ku si arme te fuqishme kane fizikun dhe fantazinë, nuk pati shume histori.
Pas disa minutave te para agresive te kundërshtarit me Falkao dhe Mbape, Juventus arriti te organizohej per t’u kundërpërgjigjur ne mënyrën me te mire. Me kundërsulme te shpejta djemtë e Alegrit arritën te kuptojnë nje linje defensive te francezeve ne nje nga mbrëmjet me te dobëta te sezonit. Pas dy mrekullive te portierit Subasic, pikërisht ne nje kundërsulm te nisur nga Bufon dhe te ideuar nga Alex Sandro e Dani Alves, ishte Manxhukic qe ne minutën e 33 zhbllokoi shifrat e takimit. Nje gol qe prishi ekuilibrat duke humbur shpresat e Monakos qe nje minute nga përfundimi i pjesës se pare u godit nga nje tjetër supergol i Dani Alves.
Pjesa e dyte ishte sa per statistike me skuadrën e Principatës te demotivuar tashme nga përfundimi i ëndrrës përballe nje skuadre qe pasurinë e saj e ka ndërtuar pikërisht ne nje mbrojtje solide te pabesueshme, edhe ne momentet me te vështira te takimit. Ne minutën e 69 talenti Mbape i dha fund pathyeshmërisë se Bufon, i cili per 690 minuta nuk e kishte nxjerre asnjeri topin nga rrjeta ne Champions League.
Rezultati përfundimtar 2-1 me Juventus qe shkon per here te dyte ne finalen e Champions ne tre vitet e fundit, por tashme kundërshtaret spanjolle duhet te jene shume te preokupuar se si te thyejnë murin mbrojtës te udhëhequr nga legjenda Bufon.
