Përveç fundit te sezonit elektrizues qe mund t’i japë mundësinë e fitimit te tre trofeve brenda nje muaji, Juventus mendon edhe për te ardhmen. Bardhezinjte, të cilët gëzojnë një gjendje financiare mjaft të mirë si pasojë e rezultateve të larta në Itali dhe sidomos në Europe, por edhe parave që grumbullon nga stadiumi i vet, duket se do të jenë goxha aktiv edhe në merkaton e verës.

 

Torinezet janë një hap konfirmimit të blerjes së Patrik Shick, talentit të Sampdorias, i cili ka realizuar një sezon fantastik. Shumë skuadra evropiane kanë shprehur interesimin për blerjen e sulmuesit çek ashtu sikurse edhe Inter, por Juventus ka bërë lëvizjen e duhur, duke bindur fillimisht lojtarin dhe tani pothuajse ka bindur edhe Sampdorian.

 

Këtij klubi, përveçse i është ofruar shuma 26 milion euro por gjithashtu i është ofruar mundësia që Shick të vazhdojë të qëndroje tek Sampdoria edhe për sezonin e ardhshëm. Bashkë me Shick, bardhezinjte janë shumë të interesuar edhe për Keita Balde të Lazios për të cilin është një luftë e hapur me Milanin.

 

Ndërkohe nga ana tjetër, “zonja e vjetër” duhet t’i bëjë ballë ofertave të çmendura që pritet të vijë nga Chelsea dhe Manchester United për Higuain, bomberi argjentinas që vetëm para një viti kaloi nga Napoli tek Juventusi.

 

 

 

Leave a Reply

Your email address will not be published. Required fields are marked *