Juventusi e nis mire ndonëse ende pa Ronaldon ne fushe dhe me një skuadër te rinjsh por me disipline taktike dhe një gjakftohtësi te admirueshme përpara portës teksa ne turneun ndërkombëtar qe po zhvillohet ne SHBA ka mundur Bayernin e Mynihut 2-0.
Bavarezët zbriten si favorite ne Filadelfia edhe pas fitores se ndeshjes se pare ndaj Paris Sen Zhermenit por një gabim i portierit Ulrajsh ne minutën e 32 beri qe blerja e re e nga Askoli Favili te shënojë golin e pare.
8 minuta pas golit te pare është serish Favili qe me një kundërsulm tipik nga gjysmëfusha e tij te shënojë dhe golin e dyte ndërsa Alegri ka zëvendësuar shpejt ish-bavarezin Emre Xhan për arsye dëmtimi.
Ne fraksionin e dyte te ndeshjes skuadrat kane luajtur me përbërje krejt tjetër por rezultati nuk ka ndryshuar teksa Meritan Shabani ka luajtur 45 minutat e para për bavarezet.
Një tjetër gjerman ka zbritur ne fushe ne Pitsburg. Borusia e Dortmundit e nisi mjaft mire me Benfiken dhe shënoi dy here me ane te Maksimilian Filip brenda 2 minutave. Por ne pjesën e dyte portugezet barazuan me ane te Almeides dhe Semedos dhe skuadrat ju drejtuan pikës se bardhe te penalltive nga ku doli fituese Benfika.
Manchester Siti dhe Liverpul ishte përballja e forte e futbollit anglez përpara publikut te stadiumit Met Life ne Nju Xhersi.
Pjesa e pare është mbyllur e bardhe ndërsa e dyta ka nisur me gol për qytetaret. Gjermani Sane kaloi ne avantazh skuadrën e Guardioles por pak minuta me pas Salah dhe ne fund Mane me penallti i dhanë fitoren ekipit te Jurgen Klop.
Një tjetër skuadër britanike ka bere me mire ndaj Romes kur ne San Diego te Kalifornisë Totenhem ka shkatërruar verdhekuqte 1-4.
Patrik Shik kaloi menjëherë ne avantazh italianet por dy here Jorente dhe dy here Lukas Moura i kane dhënë fitoren qe ne pjesën e pare londinezeve.
E ka mbyllur këtë nate peshash te renda dueli i djajve te kuq ne Rose Boul ne Pasadena te Kalifornisë ku zbriten ne fushe Milani dhe Manchester United. Aleksis Sanxhez kaloi skuadrën e Murinjos ne avantazh por tre minuta me pas Suso barazoi dhe rezultati nuk ndryshoi me deri ne fund. Pas goditjes se 14 penalltive fitues kane dale djajtë nga Manchesteri 8-9.
