Juventus merr kryesimin në “Serie A”
Pas humbjes ndaj Inter ne San Siro, Juventus beri autokritiken me te mire duke shpartalluar kaluarin 4-0 e duke rimarre vendin e pare ne krye te klasifikimit ne javën e 5 te Serise A. Nje ndeshje e zgjidhur qe ne pjesen e pare nga “Zonja e Vjetër”. Rugani gjeti rrjetën ne minutën e 14, Higuain dyfishoi shifrat ne te 33-en ndërsa 6 minuta me vone Dani Alves shënoi golin e trete. Ne pjesën e dyte Ceppitelli shënoi autogol ne portën e tij, duke sigluar shifrat 4-0. Napoli u ndal ne Xhenoa 0-0 ndërsa ne vendin e trete tashme renditen tre skuadra me kuote te barabarte pikesh 10; Roma surpriza Kievo dhe Inter. Keta te fundit arritën fitoren e trete radhazi kete here ne fushën e Empolit 2-0. Edhe ne kete ndeshje njeriu qe zgjidhi gjithçka eshte kapiteni Ikardi autor i nje dopiete ne harkun kohor te 7 minutave ne pjesën e pare. Nga ana e saj, Roma mundi me rezultat te thelle 4-0 Crotone fale rrjetave te El Sharavi, Salah dhe dopietes se Edin Xheko.
“League cup”, kalojnë city dhe united
Edhe dy skuadrat e Manchesterit United dhe City arritën te presin biletat per ne raundin e katërt te kupës se ligës ne Angli. “Djajtë e kuq” te Hoze Murinjo fituan ne Northempton 3-1 edhe pse ne nje moment e pane veten ne vështirësi kur golit te Karrik ju kundërpërgjigj Revell nga pika e bardhe ne minutën e 42. Gjithsesi miqtë arritën te gjejnë dy here rrugën e rrjetës ne pjesën e dyte me Ander Herrera dhe Rashford. Me nje formacion me emra te rinj, Manchester City i Guardioles fitoi me rezultatin 2-1 ne Uells ndaj Suonsi. Te ashtuquajturit “sitizens” shënuan dy gola me Klishi dhe Garcia përpara se vendasit te ngushtonin diferencën ne minutën e trete te shtesës me Sigurdson.
Bayern shpartallon Herten e Berlinit
Bajerni thelloi përsëri diferencën ne krye te renditjes teksa shpartalloi rivalen e momentit Herten e Berlinit 3-0 ne javen e 4 te Bundesliges. Lajmi i madh per bavarezet rikthimi i Roben me gol, ndërkohe qe përpara holandezit kishin shënuar me pare Riberi dhe Tiago Alkantara.
“Ligue 1”, për here te pare Nice ne krye
Për here te pare pas shume vitesh, nuk është Paris SG qe kryeson kampionatin francez por as nje ekip me emër. Nisa mori kryesimin e Ligue 1, teksa mundi Monakon 4-0 ne sfidën me te rëndësishme te javes se 6-te. Edhe ne kete ndeshje vazhdoi forma e mire e sulmuesit italian Baloteli autor i dy golave. Pas kësaj fitoreje Nisa mban vendin e pare me 14 pike i ndjekur nga Paris SG e Monako me nje pike me pak.
