Juventus nuk gaboi në ndeshjen e parë për vitin 2021 pasi u rikthye vrullshëm tek fitorja duke mposhtur Udinesen me rezultatin 4-1 në ”Allianz Stadium” . Një ndeshje që u dominua plotësisht nga skuadra e Pirlos ndërsa protagonist kryesor ishte i përhershmi Cristiano Ronaldo . Rezultati u zhbllokua në minutën e 31-të me yllin portugez, i cili mori një top të mirë nga Ramsej dhe dërgoi lehtësisht topin në rrjetë .
Edhe në fraksionin e dytë të lojës, torinezët e nisën vrullshëm . Në minutën e 49-të ishte radha e Chiesës që dyfishoi rezultatin dhe i dha qetësi teknikut Pirlo. Megjithatë torinezët nuk u mjaftuan me kaq . Në minutën e 70-të Ronaldo shënoi dhe golin e tretë duke kompletuar dopietën personale. Miqtë realizuan golin e vetëm më Zeegelar në fundin e pjesës së dytë , një gol që vlen vetëm për statistikë sepse vetëm pak minuta më vonë Dibala la dhe gjurmën e tij dhe mbylli takimin me rezultatin final 4-.
Me këtë fitore Juventus ngjitet në vendin e 5-të me 27 pikë të grumbulluara, ndërsa Ronaldo shkon në kuotën e 14 golave në Serie A. Një tjetër rekord personal për portugezin i cili me dy golat e tij shkon në kuotën e 758 finalizimeve në karrierë, duke lënë prapa legjendën, Pel, më një gol më shumë .
Këtë të mërkurë Juventus, do të luajë një transfertë të vështirë përballë Milanit. Për këtë foli dhe tekniku bardhezi Andrea Pirlo i cili pas ndeshjes konfirmoi dhe mungesën e Moratës.
ANDREA PIRLO / TRAJNER I JUVENTUS
“E di që vështirësia do të jetë maksimalë por ne do të luajmë vetëm për fitore. Sa i përket Moratës do të vlerësojmë gjendjen e tij nga dita në ditë dhe më pas të shikojmë si do shkojë rikuperimi i tij. Unë mendoj se ndaj Milanit nuk do të jetë i gatshëm.”
Më herët kuqezinjtë e Pioliot bënë detyrën pasi mposhtën 2-0 në transfertë Beneventon. Në fillim Kessi dhe më pas Leao me një gol spekatolar vulosën suksesin përfundimtar të takim . Pas këtij triumfi Milani shkon në kuotën e 37 pikëve , 1 më shumë se Interi i vendit të dytë dhe 7 pikë nga Roma e vendit të tretë.
