Juventus dhe Monako jane dy skuadrat e fundit qe prenë biletën per ne gjysmëfinalet e Uefa Champions League. “Zonja e Vjetër” arriti ti bënte balle sulmit katalanas ne “Kamp Nou”, duke nxjerre nga skena europiane Barcelonën, duke shkruar emrin ne katër skuadra me te mira te turneut prestigjioz europian.
180 minuta per t’u duartrokitur për bardhezinjte, te cilët pasi kishin fituar 3-0 ne takimin e pare i rezistuan presionit ne sfidën e dyte ne një barazim pa gola. Ne një taktike perfekte skuadra e Alegrit vuajti, por gjithmonë jo ne rrezikun maksimal ne një mbrojtje te hekurt, e cila nuk u shpërfytyrua kurrë me presionin e kundërshtarit, ndërsa ne kundërsulm mjaft e rrezikshme, duke krijuar edhe rastet me te pastra.
Një prapavije e jashtëzakonshme me Bonucin dhe Kielini, te cilët zvogëluan përmasat e te ashtuquajturës “trio meravilja” Neymar-Luis Suarez, te cilët asnjëhere nuk u shfaqen te frikshëm drejt portës te mbrojtur nga Bufon, legjenda e Juventus qe e çoi ne 531, minutat pa pasuar gol. Mision i përmbushur per Juventus qe tashme ka disa kilometra me pak drejt finales se Kardifit.
Ne sfidën tjetër vazhdon marshimi i surprizës Monako ne një tjetër fitore ndaj Borusia Dortmund. Ne “Luigji i Dyte” skuadra e principatës fitoi me rezultatin 3-1, duke treguar se do te jete nje kocke shume e forte për tre skuadrat e tjera gjysmëfinaliste Real, Atletiko dhe Juventus.
Takimi i dyte çerekfinal filloi me mjaft vrull për vendasit, te cilët ne minutën e 3 kaluan ne avantazh me talentin kilian Mbape. Gjermanet provuan te reagojnë, por u goditen përsëri kur ne minutën e 17 këtë here Radamel Falkao dyfishoi rezultatin. Me fillimin e pjesës se dyte, Dortmund u duk se u fut ne loje kur Rojs ne minutën e 48 ngushtoi diferencën. Edhe pse goli i dha zemër miqve, rastet me te pastra i patën francezet me Ture, Falkao dhe Mbape.
Rezultati përfundimtar i takimit u vulos 9 minuta nga fundi kur Germain i futur si zëvendësues mposhti portierin Burki, duke shënuar golin e trete. Shorti për gjysmëfinalet e Champions League do te hidhet te premten nga UEFA ne orën 12:00 ne Nion te Zvicrës.
