Justin duket se e ka kuptuar gabimin e bërë në Manchester, UK gjatë një koncerti në javën e shkuar, kur u largua nga skena pasi fansat brohorisnin.
Gjatë koncertit Justin i kërkoi fansave të pushonin së brohorituri në përformancat e tij. Mesa duket kjo gjë e bezdiste këngëtarin, por turma nuk e ka dëgjuar dhe nuk ka qënë bashkëpunuese me të. Ai më pas ka lënë mikrononin dhe është larguar nga skena.
Por këngëtari duket se e ka kuptuar gabimin dhe në Twitter ka publikuar një letër pendese duke kërkuar falje për fansat e tij.
“Shpesh herë ka momente kur unë mund të them dhe gjëra të gabuara, sepse jam njeri në fund të fundit”, shkruan ai në letrën e tij, e cila pasi është postuar në pak kohë është fshirë nga faqa e këngëtarit. “Unë përpiqem gjithmonë të jem vetvetja në skenë”, shruan më tej këngëtari duke dashur të shfajësohet për veprimin e bërë, për të cilin është kritikuar shumë në rrjetet sociale, nga fansat e tij.