Presidenti i Komisionit Europian Zhan Klod Junker i bëri thirrje ligjvënësve të Kosovës të votojnë sa më shpejtë demarkacionin me Malin e Zi, në mënyrë që qytetarët të udhëtojnë pa viza.

 

“Është esenciale që kuvendi juaj të votojë së shpejti demarkacionin e kufirit më malin e zi. Ky është një hap kyç, i pashmangshëm dhe i rëndësishëm drejt liberalizimit të vizave. Qytetarët do të jenë përfituesit e parë. Përpjekjet kundër korrupsionit duhet të thellohen më tej. Nuk më kënaq ideja që kosovarët nuk mund të udhëtojnë lirshëm. Ata duhet të kenë të drejta të njëjta me të gjithë qytetarët tjerë evropianë”.

 

Gjatë konferencës për shtyp me presidentin Hashim Thaçi, Junker u shpreh se Kosova duhet të thellojë përpjekjet e saj dhe te beje hapa konkret në luftën kundër korrupsionit e krimit dhe organizuar. I pyetur nëse ka një datë të saktë të liberalizimit të vizave nëse votohet demarkacionin me Malin e Zi, Juncker u shpreh se përcaktimi i datës nuk varet nga BE, por nga Kosova.

 

Ndërsa presidenti Thaçi u shpreh se  marrëveshja e kufirit me malin e zi do të ratifikohet në ditët në vijim.

 

“Nuk do të komentoj asgjë, sepse jam i bindur se marrëveshja do të ratifikohet ditëve të ardhshme. Jemi të bindur se pasi kjo të ndodhë, KE dhe zoti Juncker do të bëjnë punën e tyre, do të marrin vendimet e duhura dhe do t’i japin fund izolimit të qytetarëve të Kosovës”.

 

Presidenti i Komisionit Evropian, Juncker, gjatë vizitës së tij në Prishtinë I shoqëruar nga Johannes Hahn dhe Federika Mogherini, zhvilloi takime me kryeministrin Ramush Haradinaj dhe kryeparlamentarin Kadri Veseli.

Leave a Reply

Your email address will not be published. Required fields are marked *