Shefi i Komisionit Europian, Jean-Claude Juncker, i është drejtuar me tone të ashpëra deputetëve të Parlamentit Europian gjatë seancës së sotme. Kritikat erdhën pasi në seancë ku do të diskutohej për për bilancin e presidencës malteze të radhës së BE-së, mungonin një numër i madh deputetësh.
“Jeni qesharakë!” i tha Juncker deputetëve. Sipas Jucker, Parlamenti nuk është serioz, dhe këtë e tregon prania e vetëm 30 deputetëve në seancë.
Shefi i KE-së vazhdoi duke thënë se, nëse kancelarja gjermane, Angela Merkel apo presidenti francez, Emmanuel Macron, do të ishin të pranishëm, atëhere situata do të ishte më ndryshe.
Kritikat e Junker u ndërprenë nga presidenti i PE-së, Antonio Tajani, i cili i bëri thirrje të ndryshojë gjuhën dhe të tërheqë fjalën “qesharake”.
