Juncker: Jo pavarësi Katalonjës
Presidenti i Komisionit Europian Jean-Claude Juncker, është shprehur edhe njëherë kundër pavarësisë së rajonit katalanas.
Nga Luksemburgu ai tha se nuk dëshiron që Katalonja të shpallë pavarësinë, e po ashtu refuzoi edhe ndërhyrjen për ndërmjetësim, pasi një gjë e tillë do të nxiste rajonet e tjera të bënin të njëjtën gjë, duke e komplikuar më tej menaxhimin e Bashkimit Europian.
Junker është shprehur se mbështet kryeministrin spanjoll Mariano Rahoj, duke rikujtuar se i ka kërkuar atij të marrë masa në mënyrë që situata të mos dale jashtë kontrollit.
Megjithatë presidenti i Komisionit Europian e kritikoi Rahojn, duke thënë se gjërat tashmë janë kryer, por mbetet shumë për t’u bërë, pasi ndarja është çështje e brendshme e Spanjës.
Më herët Brukseli i ka bërë thirrje Katalonjës që të respektojë ligjin dhe të kthehet në rendin kushtetues. Në të kundërt ajo do të duhet të fillojë nga e para procesin e pranimit në union, i cili mund të zgjasë me vite.
Nga ana tjetër, Rahoj ka rritur presionin ndaj qeverisë katalanase, duke e hedhur poshtë mundësinë e një ndërmjetësimi mes Madridit dhe Barcelonës, pas nënshkrimit të deklaratës së pavarësisë.
