Nismës #ejanëteatër i janë bashkuar shumë aktorë. Një fushatë e nisur prej kohësh kjo nga vetë aktorët që kanë qënë pjesë e shfaqeve, kryesisht në Teatrin Kombëtar. Në një postim të fundit në facebook, Jualian Deda ka deklaruar se e mbështet me forcë këtë nismë, por ka dhe diçka tjetër për të thënë në lidhje me Teatrin Kombëtar. Ja çfarë shkruan Juli në postimin e tij:
“Jam plotesisht dakort me thirrjen #ejanëteater , madje e mbeshtes me force. Por perpara se te ngjiremi duke thirrur njerezit qe te vijne ne teater, a nuk do ishte me mire qe personeli dhe drejtuesit e Teatrit Kombetar te fillojne te analizojne pse spektatori i teatrit nuk vjen me? Fakti qe ti e therret, do te thote se ai ka kohe qe nuk vjen. Po pse? Çfare ka ndodhur me publikun e teatrit? A eshte faji i publikut, apo eshte cilesia e dobet e produktit, qe e largoi spektatorin? Kjo analize duhet bere. Po kush ta beje?
E si mund te vije publiku kur ti e trajton Teatrin Kombetar si fast food privat, ku del njeri nga kamarieret ne trotuar dhe i kap njerezit nga menga duke i bertitur ne vesh #ejanëfastfood , eja se e ke me gjysme çmimi. E shet bileten e Teatrit 150 lek pa pike turpi, sikur te jete mall stok, duke mos treguar dy gram respekt per ate institucion. Nese nuk e respekton nje here ti qe punon aty, ata qe vijne te shohin s’do ta respektojne njeqind here.
P.s. Aktoret #ejanëteater
Spektatoret #bënigjëratëbukurasevijmëvetë”
