Zgjedhjet vendore të 14 majit 2023, kaën ndezur situatën politike në vend.
Partia Demokratike do e nxjerrë kandidatin e saj nga primaret, ndërsa deri tani publikisht ka prezantuar platformën Belind Këlliçi, ndërsa pritet që të zyrtarizohet edhe Gert Bogdani.
Interes kanë shprehur edhe mjeku Ilir Alimehmeti dhe aktori Julian Deda.
Ky i fundit, në një reagim në Facebook, ka deklaruar se Bashkinë e Tiranës duhet ta drejtojnë njerëz jashtë politikës, që vijnë nga puna dhe jo për ta shfrytëzuar si një trampolinë për tu bërë kryetar partie e më pas kryeministër.
“Per çfare ka nevoje Tirana, per nje politikan karrierist apo per nje njeri normal, jashte politikes, qe vjen thjesht per punuar?
Kete e dini ju, por une di me siguri qe deri me sot, Tiranes gjithmone ja kane bere me hile, e kane shfrytezuar. Kushdo qe ka kandiduar per te marre Tiranen, si majtas, si djathtas, e ka pare ate si trampoline per te synuar kreun e partise qe perfaqeson dhe per tu bere kryeminister ne nje te ardhme, vetem per kaq e duan Kryeqytetin figurat politike.
Pra, asnje politikan nuk e sheh Tiranen si vend pune, por si lope per ta mjele, per ta shfrytezuar ne interes te karrieres se vet politike.
Une them, ta provojme nje here ndryshe…!”, shkruan Deda.
