Moti parashikohet të tregohet bujar me ata që kanë zgjedhur të pushojnë në bregdet 15-ditëshin e parë të këtij muaji.
Sipas Meteoalb, ditët në vijim deri në fundjavë, moti vijon kryesisht me kthjellime dhe temperatura të larta deri mbi 35°C. Ndërsa vranësirat dhe shirat do të jenë të lokalizuara kryesisht në ekstremet malore veri – verilindje.
Java e dytë e korrikut sjell një rënie të lehtë të vlerave termike dhe po ashtu, rrit frekuencën e vranësirave në territor, ndërsa shirat shfaqen në pjesën më të madhe të zonave malore, por pjesërisht në zonat e ulëta. Bregdeti, kryesisht brigjet e Adriatikut mbeten më të favorizuara nga kushtet e motit gjatë 15-ditëshit të parë të korrikut 2018.
