Kryeministri britanik, Boris Johnson u takua këtë të enjte në Paris me presidentin francez, Emmanuel Macron për të negociuar mbi marrëveshjen e divorcit me BE.
Macron theksoi se një zgjidhje mund të gjendet brenda 30 ditëve për çështjen e kufirit, për të siguruar një dalje me marreveshje të Britanisë së Madhe nga unioni.
EMMANUEL MACRON
PRESIDENT I FRANCES
“Klauzolat irlandeze nuk janë thjesht kufizime teknike, por garanci thelbësore për ruajtjen e stabilitetit në Irlandë dhe integritetin e vendit. Rinegocimi i marrëveshjes është pothuajse i pamundur. Ndoshta Britania e madhe mund të bëhet partneri i ri i Shteteve të Bashkuara pas një Brexit pa marrëveshje.”
Kryeministri britanik një ditë më parë takoi edhe kancelaren gjermane Angela Merkel e cila gjithashtu e nxiti për përgatitjen e një plani të ri brenda 30 ditëve.
ANGELA MERKEL
KANCELARE E GJERMANISE
“Mbretëria e Bashkuar duhet të na tregojë se çfarë plani ka për të zgjidhur çështjet pezull. Nuk është puna e kancelarit për të gjetur një zgjidhje. Mosmarrëveshjet me Irlandën kërkojnë patjetër një zgjidhje të drejtë, ato nuk mund të anashkalohen.”
Mungesa e një Plani B do të thotë që Mbretëria e Bashkuar ka shumë të ngjarë të largohet nga BE pa marrëveshje. Kjo, sipas parashikimeve të vetë qeverisë, do ta zhyte vendin në kaos ekonomik. Mund të shkaktojë mungesë ushqimi, ilaçesh dhe karburantesh. Johnson ka thene se ai është i vendosur të nxjerrë vendin nga unioni qoftë edhe pa një marrëveshje deri më 31 tetor.
JOHNSON TAKON MACRON E MERKEL
BE KUNDER RINEGOCIMIT TE MARREVESHJES SE BREXIT
