Kryeministri britanik, Boris Johnson ka pranuar që ti dërgojë Bashkimit Evropian një kërkesë zyrtare ku do të kërkojë shtyrjen e afatit të Brexit nëse nuk arrihet një marrëveshje me bllokun.
Sipas mediave vendase kryeministri Johnson, ka mbledhur kabinetin qeveritar si një mundësi për të koordinuar lëvizjet e radhës, pas paraqitjes së propozimeve për ndryshimin e marrëveshjes së largimit nga blloku dhe për të garantuar një kufi të hapur pas Brexit-it mes Irlandës së Veriut dhe Republikës së Irlandës.
Ndërkohë sipas një kokumenti që u zbulua pasi aktivistët që duan të pengojnë një Brexit pa marrëveshje, i kërkuan gjykatës një vendim detyrues për kryeministrin, i cili është zotuar publikisht në Parlament ta nxjerrë vendin nga blloku më 31 tetor, me ose pa marrëveshje, “por pa vonesa”.
Gjithashtu Parlamenti britanik ka miratuar një ligj që e detyron kryeministrin të kërkojë shtyrjen e afatit të largimit përtej 31 tetorit nëse ligjvënësit nuk bien dakord deri më 19 tetor.
