Pas dështimit në Parlament, Boris Johnson i ka dërguar një letër Bashkimit Europian ku i kërkon shtyrjen e afatit të Brexit deri më 31 janar të vitit 2020, por dokumenti nuk përmban firmën e tij.
Në një letër të dytë e cila mban firmën e kryeministrit Britanik, Jonson shkruan se beson që një shtyrje tjetër do të ishte një gabim i madh.
“Unë jam i sigurt se ne do ta përfundojmë procesin e Brexit deri më 31 tetor. Ndërsa Këshilli Evropian do të shtyrtojë kërkesën e mandatuar nga Parlamenti për të ofrojë një periudhë alternative të Brexit, unë e kam sqaruar që nga dita që u zgjodha Kryeministër, dhe ia bëra sërish të qartë Parlamentit pikëpamjen time dhe qëndrimin e qeverisë, që një zgjatje e mëtejshme do të dëmtonte interesat e Mbretërisë së Bashkuar dhe partnerëve tanë të BE-së, si dhe marrëdhëniet mes nesh”
Kryeministri Britanik ishte i detyruar me ligj të kërkonte një zgjatje përtej afatit të 31 tetorit deri në orën 23 të së shtunës. Ai humbi me me 322 vota pro dhe 306 kundër marrëveshjen me unionin që ndalonte një BREXIT pa marrëveshje më 31 tetor. Në rast se ai do të kundërshtonte një detyrë të përcaktuar me ligj, Johnson mund të përballej me ligjin.
Presidenti i Këshillit të BE-së Donald Tusk ka marrë kërkesën e Johnson dhe tha se do të këshillohet me liderët e BE para marrjes së vendimit.
Ndërkohë londinezët zhvilluan një protestë masive, më të mëdhatë në historinë e Britanisë së Madhe që mbahen jashtë parlamentit.
Të udhëhequr nga kryetari I Bashkisë në Londër Sadik Khan, protestuesit kërkojnë një referendum të ri për Brexit.
