Është e vërtetë që presidenti Trump nuk gëzon simpatinë e aktorëve të Hollivudit, por ka disa prej tyre, imagjinata e të cilëve shkon përtej çdo kufiri.
Së fundmi, është Johnny Depp i cili ka shprehur pakënaqësinë ndaj Donald Trump, madje ka treguar edhe një plan se si mund t’i bëjë një atentat atij.
Teksa po fliste për filmin e vitit 2004, “The Libertine”, Depp ka pyetur njerëzit e pranishëm nëse mund ta sillnin Trump në festivalin e njohur Glastonbury.
“Mund ta sillni aty?” – pyet Depp. “Do të jenë të pranishme edhe mediat. Kur ishte hera e fundit që një aktor vrau një president?”
Por ama, Johnny e ka rregulluar deklaratën e tij duke u shprehur se nuk e quan veten aktor të mirëfilltë. Pra, Trump mund të flejë i qetë.
