Sekretari amerikan i shtetit, John Kerry do të vizitoje Shqipërinë. Lajmin e bën të ditur Departamenti Amerikan i Shtetit përmes një njoftimi ne faqen zyrtare. Kerry do të qëndroje ne Tirane, ne datën 14 shkurt, ku do të takohet me udhëheqësit e vendit për të diskutuar mbi Integrimin Europian te Shqipërisë dhe per marrëdhëniet e forta dypalëshe. Kerry vjen ne Shqipëri pas qëndrimit ne Mynih te Gjermanisë, ku do te marre pjese ne samitin e sigurisë, qe mbahet nga data 12-14 shkurt. Dhjetorin e kaluar Kerry zhvilloi turneun e tij te pare ne cilësinë e sekretarit te shtetit ne disa vende ballkanike. Ai vizitoi Kosovën, Serbinë dhe Greqinë. Gjate qëndrimit ne Prishtine shefi i diplomacisë amerikane pasi vlerësoi dialogun me Serbinë, siguroi se SHBA ne asnjë mënyre nuk do te lejojë implementimin e marrëveshjeve qe cenojnë sovranitetin, sigurinë apo pavarësinë e Kosovës. Sekretarja e fundit e shtetit qe ka vizituar Shqipërinë, ishte Hillari Klinton e cila erdhi ne Tirane me nëntor te vitit 2012, ne kuadër te nje turi mesdhetaro-ballkanik. Ajo konfirmoi solidaritetin me aleatin e NATO-s, Shqipërinë, ndërsa iu drejtua edhe parlamentit me nje fjalim, ku theksoi nevojën për bashkëpunim dhe shtet ligjor. Vizita e këtij niveli te larte amerikan, ne Shqipëri nisen ne 1991, me ardhjen e James Bekker, e me pas me Medeleine Albright ne 1998, Colin Powell ne vitin 2002, Donald Rumsfeld ne vitin 2004, per te kulmuar me vizitën e kreut te shtëpisë se Bardhe, George Bush ne qershor 2007.
John Kerry viziton Tiranën më 14 shkurt
