Jo vetëm Gjonaj/ Kush janë dy të paditurit e tjerë në SPAK nga Meta
Përveç ministres Etilda Gjonaj, presidenti Ilir Meta paditi këtë të hënë në SPAK edhe dy zyrtarë të tjerë. Bëhet fjalë për Gentina Devën, i cili është Sekretar i Përgjithshëm në Ministrinë e Drejtësisë dhe për Etleva Haxhian që është Drejtoreshë e Qendrës së Botimeve Zyrtare.
Meta i akuzon ata për shpërdorim detyre, falsifikim dokumentesh, përvetësim të titullit apo detyrës shtetërore dhe për ushtrim të ndikimit të paligjshëm ndaj personave që ushtrojnë funksione publike.
Gjonaj, Deva dhe Haxhia u kallëzuan nga Meta pas historisë së emërimeve në Gjykatën Kushtetuese.
Padinë e dorëzoi vetë presidenti këtë të hënë në SPAK, ndërsa më pas ai foli për mediat. Ilir Meta përsëriti edhe një herë thirrjen që populli të mblidhet në 2 mars për të shpartalluar grushtin e shtetit.
