Për të disatën herë shoqata e transportit ndërqytetës ka denoncuar licencimet e kryera nga Ministria e Transportit.
Kryetari Kujtim Mema publikoi dy licenca që ofrojnë linjën Tiranë-Elbasan. Të dyja linjat sipas tij kanë orare të njëjta, duke prodhuar konflikt mes palëve.
Sipas shoqatës janë rreth 80 licencime të reja paralele që ministria ka kryer, një fakt ky i cili ka future në kaos këtë sektor. Operatorët e fushës i bëjnë thirrje kryeministrit të ndërhyjë.
Pas denoncimeve publike të shoqatës së transportit ndërqytetës, ministria përgjegjëse nuk ka bërë asnjë reagim.
Qeveria nisi reformën e transportin rrugor, duke disiplinuar lëvizjen me autobusë, nëpërmjet rilicensimeve, përcaktimin e qartë të linjave dhe oraret përkatëse.
