Tragjike/ e moshuara digjet brenda në banesën e saj
Një e moshuar 80 vjeçare e cila jetonte e vetme në banesën e saj ka humbur jetën si pasojë e rënies së zjarrit në shtëpi.
Ngjarja ndodhi mbrëmjen e së mërkurës në fshatin Pleshë të Bashkisë së Klosit.
Kanë qenë komshinjtë ata të cilët kanë vënë re flakët në banesën e shtetases Behije Dalti, duke njoftuar menjëherë shërbimin zjarrfikës dhe policinë.
Megjithë ndërhyrjen e banorëve, ata e kanë patur të pamundur të shpëtojnë të moshuarën e cila është shkrumbuar nga flakët.
Për mungesë të rrugës, mjeti zjarrfikës e ka patur të pamundur t’i afrohet banesës, ndërsa fikja e zjarrit është bërë me mjete rrethanore.
Policia ka nisur hetimet për gjetjen e shkaqeve të rënies së zjarrit, ndërsa paraprakisht mendohet të ketë ardhur nga një pajisje elektrike për ngrohje.
Behije Dalti, jetonte e vetme prej 20 vitesh pasi burri i kishte vdekur, ndërsa për të kujdeseshin komshinjtë, duke e ndihmuar me çfarë kishin mundësi.