Mediet italiane raportuan ditën e djeshme se është arrestuar autori i dyshuar i vrasjes së Bledar Dedjas, 39-vjeçarit me origjinë shqiptare. Ngjarja ka ndodhur më 20 janar, ndërsa në pranga ra një 17-vjeçar.
Shkaku i mundshëm i krimit
Lexo edhe :
Dyshohet se viktima, i cili ishte i martuar dhe baba i dy fëmijëve, ka detyruar adoleshentin që të kryenin marrëdhënie seksuale në këmbim të parave. Por kur 17-vjeçari ka dashur t’i japë fund, Bledar Dedaj dyshohet se e ka shantazhuar, ndaj adoleshenti i ka ngritur kurth për ta hequr qafe.
I mitur ka rënë dakord që të takohet me shqiptarin pasditen e 20 janarit dhe kanë shkuar me makinën e viktimës brenda zonës së pyllëzuar larg syve të njerëzve. I riu, sipas mediave italiane, dyshohet se është paraqitur në takim me thikë dhe i ka kërkuar Bledjan Dedjas që t’i jepnin fund lidhjes, raportojnë mediet fqinje.
Debati ka rezultuar në një konflikt fizik, siç duket edhe nga goditjet e shumta sipërfaqësore në trupin e viktimës dhe nga plagët në duar, shenjë se Bledari ka tentuar të mbrohet. Në atë moment, sipas hetimeve të prokurorisë, shqiptari ka dalë nga makina, por është goditur me thikë pas shpine nga 17-vjeçari.
Pas vrasjes së Bledar Dedjas i mituri u largua në këmbë nga vendi i krimit, por është filmuar nga kamerat e sigurisë të vendosura përgjatë rrugës kryesore.
Burri, i martuar me dy fëmijë të vegjël, takonte gra dhe të rinj për të kryer marrëdhënie seksuale. Në celularin e dytë të viktimës, hetuesit gjetën prova të kontaktit mes Bledar Dedjas dhe të dyshuarit. Në biseda është zbuluar se të dy kishin rënë dakord të takoheshin pikërisht në ditën e vrasjes.
Djali, pasi ka goditur për vdekje 39-vjeçarin, i cili u gjet rreth 100 metra larg makinës me pantallona dhe të brendshme të ulura, me sa duket ka hequr qafe çelësat e mjetit, si dhe thikën e përdorur për të kryer krimin. Gjithashtu ka hequr qafe disa rroba që mbante veshur, ndoshta për shkak se ishin me gjak.
Takimi i parë mes 17-vjeçarit dhe shqiptarit është zhvilluar rreth një vit më parë në ambientet e punës së Bledarit. Në atë periudhë, 39-vjeçari dyshohet se e bindi adoleshentin të fillonte një marrëdhënie seksuale në këmbim të parave.
Një nga hipotezat mbi të cilat po punon prokuroria është se 17-vjeçari ka dashur të ndërpresë lidhjen, por Bledari nuk pranoi dhe gjithashtu e shantazhoi.
Ditët e fundit Prokuroria kishte bërë hetime për disa shenja gishtash të gjetura në rroba, në trup dhe me gjasë edhe në disa sende personale që ndodheshin brenda Mercedes Class B që i përkiste viktimës.
Djali u tradhtua nga mesazhet e gjetura në celularin e dytë të Dedjas.
Por mbi të gjitha dëmtimet në duar që 17-vjeçari mori gjatë përleshjes së 20 shkurtit.
Dedja u godit rreth 20 herë me thikë, por fatale rezultoi goditja në kurriz që i dëmtoi mushkëritë dhe duke i shkaktuar gjakderdhje të madhe./vizionplus.tv
