Twitter ka njoftuar së fundmi të gjithë përdoruesit e tij se do të kërkojë adresën elektronike ose numrin e telefonit, si masë shtesë për thyerjen e keqpërdorimeve.
Kjo është një masë e re që duket se është marrë nga kompania si një element tjetër i ruajtjes së sigurisë për përdoruesit e saj.
Pritet që masa me e re e propozuar nga ky rrjet social të hyjë në fuqi këtë vit dhe nuk do të rrezikojë aktivitetin e anëtarëve të ri.
Twitter ka ashpërsuar luftën kundër programeve, të cilat automatikisht dërgojnë porosi dhe përdoren për propagandë, sidomos në politikë.
Ndërkohë sipas të dhënave më të fundit ky rrjet social në muajin maj ka identifikuar mbi 9,9 milionë llogari automatike, potencialisht të rrezikshme për përdoruesit e rregullt.
