Dy ditët e para të shtatorit nisën me temperatura të larta dhe diell të fortë duke bërë që të gjithë të mendonin se ky muaj do të ishte i nxehtë. Por si gjithmonë moti dhe ndryshimet e tij janë të paparashikueshme.
Sipas “Institutit të Gjeoshkencës”, kjo javë do të sjellë ulje të ndjeshme të temperaturave dhe në disa vende do të shoqërohet me rrebeshe shiu. Zonat më të prekura do të jenë ato malore megjithatë nuk përjashtohen as qytetet e tjera. Kryeqyteti sot është zgjuar i zymtë dhe me reshje të pakta shiu.
Temperatura maksimale nuk do i kalojë 31 Gradë Celsius dhe temperaturat minimale arrijnë në 15 Gradë.
