Analisti dhe diplomati Plator Nesturi teksa ka komentuar situatën aktuale në të cilën ndodhet vendi pas sulmit kibernetik, ka deklaruar se sot jemi në luftë.

 

Në studion e Quo Vadis me moderatoren Pranvera Borakaj, Nesturi tha se sulmi kibernetik tregoi defekte të mëdha, sidomos në ruajtjen e të dhënave.

 

Kjo realisht është luftë. Po ta marrësh në një kuadër më të gjerë, sulmohet Shqipëria. Jo se Shqipëria është ndonjë forcë e madhe dhe prej saj mund të nxirren shumë gjëra por për arsye të tjera.

 

Shqipërisë i bie për llogari të të tretëve, për shkak të aleancës me SHBA dhe NATO.

 

Kjo tregoi që kemi shumë deficenca në aspektin e sigurimit të të dhënave dhe realisht kjo është e vërtetë. Ne deri para disa vitesh nuk kishim as kupon tatimor jo më të tjerat. Kemi bërë një hov në sistemet e ndryshme për ta informalizuar ekonominë, të dhënat, por tregojmë defekte të rënda sidomos në ccështjen e ruajtjes së tyre. Do elemetët e sigurisë kjo gjë. Ka një neglizhencë sepse mendohet se ne jemi të vegjël dhe kush merret me ne”, tha Nesturi.

Leave a Reply

Your email address will not be published.