Jelekverdhët e Francës janë përplasur serisht me policinë.
Në të shtunën e tetë të protestës, rreth 25 mijë protestues dolën në të gjitha qytetet kryesore të Francës për të vijuar demostratat kundër reformave të presidentit Macron. Protestat u zhvilluan në Paris dhe Montpellier.
Në përpjekje për të shpërndarë turmat, policia përdori gaz lotsjellës gjë që solli dhe reagimin e jelekverdhëve.
Gjatë përplasjes në Paris disa protestues mbetën të plagosur, ndërsa mbi 100 të tjerë u arrestuan.
Policia krahas gazit lotsjellës, përdori ndaj protestuesve edhe predhat jo vdekjeprurëse.
Jelekverdhët gjatë përplasjes dogjën disa baraka, makina si dhe dëmtuan me eksklavator zyrat e Ministrisë së Marrëdhënieve me Parlamentin.
