Jehona e kodikëve të mesjetës

Fletë të arnuara me dorë, të dekoruara dhe të shkruara me kujdes, i gjejmë në kodikët e vjetër të Elbasanit apo Beratit. Ato mbajnë ende peshën e dokumenteve më të vjetra në Arkivin e Shtetit. Sokol Çunga përgjegjës i dokumenteve që vijnë nga epoka bizantine, prej kohësh kujdeset për to. Përtej takimeve jashtë Shqipërisë ku i ka ekspozuar këto dorëshkrime të vjetra, ka nisur në Tiranë edhe takime për të shpërndarë jehonën e këtyre librave me vlerë. Por, a janë në gjendje të mirë përtej viteve dhe ndryshimeve historike në Shqipëri? Këto dorëshkrime të veçanta janë dokumente të cilat nuk mund t’i nënshtroheshin shtypshkronjave që ende nuk ishin shpikur dhe sigurisht që jot ë gjitha arkivat në botë kanë pasur fatin ti kenë.